بھارت کی معروف ٹینس اسٹار ثانیہ مرزا اور پاکستانی کرکٹر شعیب ملک اکثر ہی خبروں کی زینت بنے رہتے ہیں اور سوشل میڈیا پر بھی کافی متحرک نظر آتے ہیں۔
حال ہی میں ثانیہ مرزا نے ایک انٹرویو میں اپنے شوہر شعیب ملک سے ملاقاتوں کے حوالے سے بتایا۔
ثانیہ کا کہنا تھا کہ 'میری شعیب سے ملاقاتوں کا سلسلہ پاکستان اور بھارت کے درمیان ہونے والے میچوں کے دوران شروع ہوا تھا'۔
انہوں نے مزید کہا کہ ' میں شعیب ملک کو پہلے ہی بتا چکی تھی کہ بھارت کے ساتھ ہمیشہ مخلص رہوں گی'۔
جواب میں شعیب کا کہنا ہوتا تھا کہ 'ان کا بھارت کے خلاف ریکارڈ شاندار ہے اور انہیں بھارت کے خلاف کھیلنے میں مزہ آتا ہے'۔
واضح رہے جوڑے کی شادی 2010 میں ہوئی تھی جبکہ ان کا ایک بیٹا بھی ہے۔