شاہ رخ خان سوشل میڈیا پر صرف ایک پوسٹ لگانے کا کتنا معاوضہ لیتے ہیں؟ جان کر آپ بھی حیران رہ جائیں گے

ممبئی: سوشل میڈیا پر مقبول ترین فلمی شخصیات چاہے وہ پاکستان سے ہوں یا بھارت سے، اپنے اکاؤنٹس کے ذریعے تشہیری پوسٹس کر کے بھی لاکھوں روپے کما رہی ہیں۔ بھارتی فلم انڈسٹری کے کنگ شاہ رخ خان بھی ان شخصیات میں شامل ہوتے ہیں۔

مگر کیا آپ جانتے ہیں کہ وہ اپنے انسٹاگرام پر ایک پوسٹ لگانے کے عوض کتنے پیسے وصول کرتے ہیں؟ اس کا جواب ایسا ہے کہ سن کر آپ کی حیرت کی انتہا نہ رہے گی۔

ویب سائٹ فلم فئیر کے مطابق بھارتی شہرت یافتہ اداکار شاہ رخ خان جنہیں انسٹاگرام پر 2 کروڑ 20 لاکھ لوگوں نے فالو کر رکھا ہے وہ ایک تشہیری پوسٹ لگانے کے 80 لاکھ سے 1 کروڑ بھارتی روپے تقریباً 1 کروڑ 80 لاکھ پاکستانی روپے سے 2 کروڑ 26 لاکھ پاکستانی روپے تک وصول کرتے ہیں۔

شاہ رخ خان کی مقبولیت کو دیکھتے ہوئے یہ رقم اگرچہ کچھ زیادہ نہیں ہے لیکن عام لوگوں کے لئے یہ رقم ان کی زندگی بھر کی کمائی سے بھی زیادہ ہے جو شاہ رخ خان صرف انسٹاگرام پر ایک پوسٹ کے ذریعے کما لیتے ہیں۔

واضح رہے کہ شاہ رخ خان بالی ووڈ کے ایک کامیاب ترین اداکار مانے جاتے ہیں جنہوں نے کئی برسوں سے فلمی صنعت میں اپنا نام بنایا ہوا ہے۔