حالیہ بارشوں کے باعث صوبائی ڈیزاسٹر مینجمنٹ سندھ نے بڑا سیلاب آنے کا خطرہ ظاہر کرتے ہوئے ہائی الرٹ جاری کر دیا ہے۔
ان کا کہنا ہے کہ مون سون کی بارشوں کی تباہی کے بعد بڑا سیلابی پانی سندھ آ رہا ہے، جس کی وجہ سے 'پی ڈی ایم اے' نے ڈی ڈی ایم اے اور تمام ڈپٹی کمشنرز کو خط لکھ دیا، جس میں اس خدشے کا اظہار کیا گیا ہے کہ سندھ میں سکھر اور کچے کے علاقوں میں سیلابی پانی آئے گا۔
پی ڈی ایم اے کی مطابق 8 ستمبر اور 9 ستمبر کو سکھر بیراج اور گڈو بیراج سے سیلابی ریلا گزرے گا۔
پی ڈی ایم اے نے درخواست کی ہے کہ سیلاب سے کچے کے علاقے زیر آب آ سکتے ہیں اس لیے وہاں کے لوگوں کو فوری منتقل کروانے کے انتظامات کیے جائیں۔