گزشتہ روز پاکستان میں اسکول کھولے جانے کا حتمی فیصلہ سامنے آیا ہے، لیکن کیا حکومت کی جانب سے کیا گیا یہ فیصلہ درست ہے؟
اسی حوالے سے ہمارے پاس اسپین کی مثال موجود ہے۔ اس ملک میں کورونا کے کیسز میں اضافہ تب ہوا جب اسکولوں کو کھول دیا گیا۔
ڈیلی میل کے مطابق اسپین میں وائرس کے کیسز کی تعداد تقریباَ 5 لاکھ سے تجاوز کر چکی ہے، جبکہ یہ تعداد مغربی یورپ کے کسی بھی دوسرے ملک سے زیادہ ہے۔
تفصیلات کے مطابق اسپین میں کورونا وائرس کی حالیہ لہر سے سب سے زیادہ متاثر ہونے والوں میں نوجوان ہیں، جبکہ پریشانی کی بات یہ ہے کہ ان میں وائرس کی علامات بھی واضح طور پر ظاہر نہیں ہوئیں۔
اسپین میں کورونا وائرس کے کیسز میں اضافے کی بڑی وجہ اسکولوں کے کھلنے کو قرار دیا جا رہا ہے۔
تاہم اسکول دوبارہ کھلنے پر والدین نے تشویش کا اظہار کرتے ہوئے اپنے بچوں کو اسکول بھیجنے سے انکار کر دیا ہے۔