چین کی ایک نوجوان لڑکی اور اس کے کم عمر دکھنے والے والد کی تصاویر سوشل میڈیا پر وائرل ہو رہی ہیں اور بے شمار صارفین کی توجہ کا مرکز بنی ہوئی ہیں۔
دونوں باپ بیٹی کا تعلق چین کے شہر 'لن ژو' سے ہے اور یہ اکثر اپنی ایک ساتھ تصاویر اور ویڈیو سوشل میڈیا پر پوسٹ کرتے رہتے ہیں۔ ان دونوں کی تصویروں سے کوئی بھی شخص دھوکہ کھا جائے کیونکہ یہ کہیں سے باپ اور بیٹی نہیں لگتے۔ ایسا معلوم ہوتا ہے جیسے یہ بھائی بہن یا دوست ہوں۔
لڑکی کا اس متعلق کہنا ہے کہ 'ان کے والد کے کم عمر نظر آنے کے باعث اکثر لوگ انہیں ساتھ دیکھ کر دھوکا کھا جاتے ہیں اور انہیں ایک دوسرے کا دوست سمجھ بیٹھتے ہیں'۔
کیا آپ بتا سکتے ہیں کہ ان دونوں باپ بیٹی کی عمر میں کتنا فرق ہے؟
تفصیلات کے مطابق چینی لڑکی کی عمر 15 سال ہے جبکہ ان کے والد 35 سال کے ہیں اور یوں ان کی عمر میں '20' سال کا فرق ہے۔
لڑکی کا کہنا ہے کہ 'ان کے والد کے نوجوان دکھنے اور فیشن اسٹائل کی وجہ سے اکثر لوگ غلطی سے انہیں جوڑا سمجھ لیتے ہیں'۔