تفصیلات کے مطابق جنوبی پنجاب کے ضلع رحیم یار خان میں بیوی نے فالوورز بڑھانے کے لئے مشہور ایپلیکیشن ٹک ٹاک پر شوہر کے حادثے میں جاں بحق ہونے کی جھوٹی ویڈیو وائرل کر دی۔
ویڈیو دیکھ کر علاقہ مکینوں کی بڑی تعداد اُن کے گھر کے باہر جمع ہوگئی۔
رحیم یار خان کی تحصیل لیاقت پور کے علاقے رشید آباد کی رہاشی خاتون نے اپنے شوہر کی کار حادثے میں ہلاک ہونے کی جعالی ویڈیو بنا کر سوشل میڈیا پر شئیر کی جو وائرل ہوگئی۔
ویڈیو دیکھنے کے بعد قریبی مساجد میں اعلانات کروائے گئے، شہریوں کی بڑی تعداد افسوس کرنے کے لئے ٹک ٹاک اسٹار عادل راجپوت کے گھر کے باہر پہنچ گئی۔
جب لوگوں نے عادل کو زندہ دیکھا تو محلے داروں کے رنگ اڑ گئے جس پر شہریوں نے اعلیٰ حکام سے مطالبہ کیا ہے کہ انسانی جذبات کو ٹھیس پہنچانے پر ٹک ٹاکر عادل اور اس کی بیوی کے خلاف قانونی کارروائی عمل میں لائی جائے۔
عوامی ردِ عمل دیکھ کر ٹک ٹاکر کی بیوی نے ایک اور ویڈیو بنائی اور اس میں کہا کہ اس کے شوہر باخیر و عافیت گھر پہنچ گئے ہیں۔