ایس او پیز کی خلاف ورزی ، 22 تعلیمی ادارے سیل

بول نیوز  |  Sep 17, 2020

ملک بھر میں تعلیمی ادارے کھولے جانے کے تیسرے روز 22 اداروں کو ایس او پیز کی خلاف ورزی پر سیل کردیا گیا ہے۔

تفصیلات کے مطابق نیشنل کمانڈ اینڈ آپریشن سینٹر کے مطابق گزشتہ 48 گھنٹے میں 22 تعلیمی اداروں کو کورونا ایس او پیز کی خلاف ورزی پربند کردیا گیا ، مذکورہ تعلیمی اداروں میں کو رونا وائرس کی وبا پھیل گئی تھی۔

ذرائع کے مطابق خیبرپختونخوا کے 16، اسلام آباد میں ایک اور آزادکشمیر میں 5 تعلیمی ادارے بند کیے گئے ہیں۔

واضح رہےکہ صوبہ سندھ کے ضلع مٹیاری کے دو کالجز میں آٹھ اسٹاف ممبر کا کورونا ٹیسٹ مثبت آیا ہے۔

وزیرتعلیم سندھ سعید غنی نے اس بارے میں اپنے بیان میں کہا  کہ ضلع مٹیاری کےدونوں کالجز کو بند کر دیا گیا ہےجبکہ دونوں کالجز کے دیگر اسٹاف ممبران اور اساتذہ کے بھی کورونا ٹیسٹ کیے جائیں گے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More