پاکستانی فلموں کی مشہور و معروف اداکارہ میرا نے خود پر جادو ہونے کا انکشاف کیا ہے۔ اداکارہ کے مطابق اُن کے پیرو مرشد نے اُنہیں بتایا ہے کہ کچھ نا معلوم لوگ میرا پر جادو کرا رہے ہیں۔
لالی ووڈ اداکارہ کا کہنا ہے جو لوگ میرے دشمن ہیں وہ میرے خلاف غلط خبریں پھیلانے میں کبھی پیچھے نہیں رہے۔
معروف اداکارہ نے کہا ہے کہ جب سے ان کے شو کے دوران فائرنگ ہوئی ہے وہ خوف کا شکار ہیں اور گھر سے نکل نہیں پا رہیں۔
یاد رہے کہ گزشتہ دنوں پنجاب کے بڑے صنعتی شہر فیصل آباد میں اداکارہ میرا کے اسٹیج ڈرامے کے دوران سبینہ تھیٹر کے باہر نامعلوم موٹر سائیکل سوار فائرنگ کر کے فرار ہو گئے تھے۔
فائرنگ کے نتیجے میں گاڑیوں کے شیشے ٹوٹ گئے تھے اور علاقے میں خوف و ہراس پھیل گیا تھا۔
فائرنگ کے وقت اداکارہ میرا بھی اسٹیج پر موجود تھیں۔