بی جے پی نےویب سیریز”تاندو”کیخلاف مقدمہ درج کروادیا

سماء نیوز  |  Jan 18, 2021

تصویر: ایمیزون پرائم

بھارتی حکمراں جماعت بی جے پی نے بالی ووڈ اداکارسیف علی خان کی ویب سیریز ”تاندو” کیخلاف ایف آئی آر درج کروا دی ہے۔ سیف ایمیزون پرنشرکی جانے والی اس سیریز میں مرکزی کردارادا کررہے ہیں۔

معاملے کا آغاز ویب سیریزمیں دکھائے جانے والے ایک سین سے ہوا۔

ایف آئی آر کے متن کے مطابق پہلی قسط کے 17ویں منٹ میں ہندو دیوتا شیوا کا روپ دھارنے والا اداکارمحمد زیشان ایوب نازیبا الفاظ بولتاہے جس سے ہندوشدید اشتعال میں ہیں اور ان کے مذہبی جذبات مجروح ہوئےہیں ،اسی طرح سے پہلی قسط کے 22ویں منٹ میں ذات پات کے معاملے پربھی ہندووں کے جذبات بھڑکانے کی کوشش کی گئی۔

بھارتیہ جنتا پارٹی کے کئی رہنماوں نے مذہبی جذبات کو بھڑکانے پرتاندوپرپابندی عائد کرنے کا مطالبہ کیا ہے۔ بی جےپی کے قانون دان رام کدم نےاپنی ٹویٹ میں بتایا کہ انہوں نے ویب سیریزکیخلاف شکایت درج کروا دی ہے۔

رام کدم نے ایف آئی آرکی کاپی شیئرکرتے ہوئے لکھا ” ویب سیریزکیخلاف گھٹکوپر پولیس اسٹیشن میں ایف آئی آردرج کروادی ہے۔ پروڈیوسر، ڈائریکٹر، رائٹر، ایکٹرزاورایمیزون کو جلد نوٹس جاری کردیےجائیں گے”۔

ایک اورٹویٹ میں بی جے پی رہنما نے ایمیزون کی تمام پراڈکٹس کا بائیکاٹ کرنے کی درخواست کرتے ہوئے لکھا کہ ایمیزون کی جانب سے تاحال معافی نہیں مانگی گئی۔

ایف آئی آر سے قبل قبل رام کدم نے سیف علی خان کو تنقید کا نشانہ بناتے ہوئے کہاتھا کہ وہ ایک بار پھر ایک ایسے پراجیکٹ کا حصہ ہیں جس سے ہندوؤں کے مذہبی جذبات مجروح ہوئے ۔ کیوں ہماری فلموں اور ویب سیریز میں ہمارے دیوتاؤں کا مذاق اڑایا جاتا ہے۔ انہوں نے ہدایتکار علی عباس ظفرسے بھی اس سین کو فوراً ہٹانے کا مطالبہ کرتے ہوئے کہا تھا کہ وہ اس کیخلاف پولیس میں شکایت درج کروائیں گے۔

اس سے قبل مہراشٹراکے ایم پی منوج کاتک نے بھی اس ویب سیریزکی مذمت کرتے ہوئے اوٹی ٹی پلیٹ فارمزپرنشرکیے جاںے مواد کیلئے ضابطہ اخلاق وضع کرنے کا مطالبہ کیا تھا۔

سیف علی خان گزشتہ ماہ بھی ہندوؤں کے ایک دیومالائی کردار راون سے متعلق بیان پرشدید تنقیدکی زدمیں آگئےتھے، اداکار فلم آدی پُرش میں راون کا کردارنبھارہے ہیں اوران کا کہنا تھا کہ راون ایک منفی کردار ہے لیکن ہم اسے ایسے پیش کریں گے جو دیکھنے والوں کے لیے تفریح کاباعث ہوگا اور سیتا کے اغوا کی مناسب وجہ بھی بتائی جائے گی۔

بعد ازاں اداکارکوایسا بیان دینے پرمعذرت کرنی پڑگئی تھی۔

ویب سیریزتانڈومیں سیف علی خان کے علاوہ ڈمپل کپاڈیہ، ذیشان ایوب، سنیل گروور، تگمانشو ڈھولیا، کمود مشرا و دیگر شامل ہیں۔ ویب سیریز 15 جنوری سےآن لائن ریلیز کی جاچکی ہے۔ ہندو انتہاپسند تنظیموں کی جانب سے تانڈوپر فوری طور پر پابندی کا مطالبہ کرنے کے ساتھ ساتھ پورے بھارت میں احتجاج کا سلسلہ بھی جاری ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More