براڈ شیٹ اسکینڈل سے حکومت کا کوئی تعلق نہیں، شبلی فراز

بول نیوز  |  Jan 26, 2021

وفاقی وزیر اطلاعات شبلی فراز کا کہنا ہے کہ  براڈ شیٹ اسکینڈل سے حکومت کا کوئی تعلق نہیں ہے۔

تفصیلات کے مطابق وفاقی کابینہ کے اجلاس کے بعد پریس کانفرنس کرتے ہوئے  وزیر اطلاعات شبلی فراز   کا  کہنا تھا کہ  ملک میں براڈ شیٹ کا چرچا ہے ،تاہم براڈ شیٹ اسکینڈل سے حکومت کا کوئی تعلق نہیں ہے۔

شبلی فراز نے کہا کہ  مصلحت کے تحت ایوان اقتدار میں بیٹھے افراد کو راستہ دیا گیا، براڈ شیٹ اسکینڈل سے سودے بازی کا پتہ چلا۔

ان کا کہنا تھا کہ  عظمت سعید صاحب کی سربراہی میں کمیشن قائم کیا گیا ہے۔ کمیشن براڈ شیٹ معاہدے میں ملوث افراد کے خلاف تحقیقات کرے گا۔ حکومت براڈ شیٹ کی شفاف تحقیقات کرائے گی۔

وفاقی وزیر اطلاعات نے کہا کہ  سیاست کو استعمال کرکے سودے  بازی کی جاتی رہی ۔ لوگوں کو بچانے کے لیے قانون میں گنجائش پیدا کی گئی  ۔ سیاستدان این ار او سے فائدہ اٹھائیں تو معاملات عام عوام تک خراب ہوتے ہیں ۔

شبلی فراز نے مزید کہا کہ 45 دن میں کمیشن تحقیقات مکمل  کرے گا۔

انہوں نے کہا کہ  سینیٹ الیکشن میں ووٹ خریدنے کی روایت ہے ، پیسے والے لوگ ووٹ خرید کر ایوان بالا  کےممبر بن جاتے ہیں۔ سینیٹ الیکشن میں شفافیت ضروری ہے ۔ وزیراعظم سینیٹ الیکشن اوپن بیلٹ کے ذریعے کرانا چاہتے ہیں۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More