انگلینڈ سے تعلق رکھنے والے پشاور زلمی کے آل راؤنڈر روی بوپارہ کا کہنا ہے کہ وہ پی ایس ایل 6 میں زلمی کی جانب سے اچھی کارکردگی دکھانے کو تیار ہیں۔
روی بوپارہ نے کہا کہ پشاور زلمی پاکستان سپر لیگ میں ہمیشہ ایک مشکل ترین حریف ثابت ہوتی رہی ہے اور اس بار ان کی جانب سے کھیلنا پرجوش ہوگا۔
انگلش آل راونڈر کا مزید کہنا تھا کہ پی ایس ایل 6 کے لیے پشاور زلمی کی ٹیم بہت متوازن ہے کپتان وہاب ریاض، شعیب ملک، کامران اکمل اور اور دیگر کھلاڑی ٹی ٹوئنٹی کا اچھا تجربہ رکھتے ہیں۔ عالمی ٹی ٹونٹی کھیلنے والے پاکستانی اور غیر ملکی کھلاڑیوں سے ملاقات کرکے بھی اچھا لگ رہا ہے۔
روی بوپارہ نے کہا کہ دو سے تین دن کا کورانٹین آسان نہیں ہوتا لیکن اب پوری توجہ روزہ ٹورنامنٹ میں اچھی کارکردگی دکھانے پر مرکوز ہے۔