شاہد آفریدی کی صاحبزادی اور شاہین شاہ آفریدی کا رشتہ طے پاگیا، منگنی کب ہوگی؟

ہماری ویب  |  Mar 07, 2021

پاکستانی کرکٹ ٹیم کے سابق کپتان شاہد خان آفریدی کی بیٹی اور نوجوان فاسٹ باٶلر شاہین شاہ آفریدی کے درمیان رشتہ طے پا گیا۔

تفصیلات کے مطابق قومی ٹیم کے فاسٹ باٶلر شاہین آفریدی اور سابق کپتان شاہد آفریدی کی صاحبزادی کا رشتہ طے پاگیا،جس کے بعد شاہد آفریدی کے اہلخانہ نے منگنی کے لیے کچھ وقت مانگ لیا ہے۔

شاہد آفریدی کی فیملی کے مطابق بیٹی کی ابھی پڑھاٸی چل رہی ہے اس لیے منگنی کا باضابطہ اعلان کچھ عرصے بعد کیا جائے گا۔

شاہین آفریدی کے والد ایاز خان کی جانب سے بھی اس بات کی تصدیق سامنے آٸی ہے کہ شاہد آفریدی کی فیملی سے دیرینہ تعلق ہے،اور ان کے خاندان نے رضامندی ظاہر کر دی ہے۔

سابق آل راٶنڈر شاہد آفریدی کا بھی سماجی رابطے کی ویب سائٹ ٹویٹر پر بیان سامنے آیا جس میں انہوں نے کہا کہ ’شاہین کے اہلخانہ نے میری بیٹی کے لیے اہل خانہ سے رابطہ کیا ہے، دونوں خاندان رابطے میں ہیں۔

شاہد آفریدی نے لکھا کہ ‘رشتے آسمانوں پر بنتے ہیں اگر اللہ نے چاہا تو یہ رشتے طے پاجائے گا، شاہین آفریدی کے کیریئر اور زندگی میں ترقی کے لیے دعا گو ہوں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More