پنجاب یونیورسٹی کا عملےکو ویکسین لگانے کیلئے محکمہ صحت کوخط

سماء نیوز  |  Apr 08, 2021

فوٹو: پنجاب یونیورسٹی

پنجاب یونیورسٹی نے صوبائی حکومت سے تمام عملے کو ویکسین لگانے کے ليے محکمہ صحت کو خط لکھ ديا۔

پنجاب یونیورسٹی کے وائس چانسلر نے محکمہ پرائمری اینڈ سیکنڈری ہیلتھ کیئر پنجاب کو خط ميں لکھا ہے کہ يونیورسٹی کے عملے کو کرونا سے بچاؤ کی ویکسین لگائی جائے۔

خط میں کہا گیا کہ 1300 سے زائد اساتذہ اور 5ہزار سے زائد نان ٹیچنگ اسٹاف محنت کر رہا ہے۔ اس لیے آن لائن کلاسز، ریسرچ اور امتحانات کے لیے کرونا سے بچاؤ بہت ضروری ہے۔

تعلیمی سلسلہ جاری رکھنے کے لیے پاکستان کی سب سے بڑی یونیورسٹی کے عملے کو ویکسین لگائی جائے۔

واضح رہے کہ کرونا وائرس کی تیسری لہر پر قابو پانے کے لیے صوبائی حکومت نے میٹرو بس سروس اور اورنج لائن ٹرین کو بند کر رکھا ہے جبکہ این سی او سی نے ملک بھر میں 28اپریل تک مڈل اسکول بند رکھنے کا فیصلہ کیا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More