علیزے شاہ طویل عرصے سے کس مسائل کا شکار ہیں؟

بول نیوز  |  Apr 12, 2021

پاکستان شوبز انڈسٹری کی نئی اُبھرتی ہوئی اداکارہ علیزے شاہ نے اہم انکشاف کر دیا ہے۔

علیزے شاہ نے کہا ہے کہ وہ طویل عرصے سے ایکنی کے مسائل سے لڑ رہی ہیں۔

گزشتہ روز علیزے شاہ نے اپنے تصدیق شدہ انسٹاگرام اکاؤنٹ پر ایک خصوصی اسٹوری شیئر کی جس میں اُنہوں نے اپنی جِلد کے حوالے سے ایک اہم انکشاف کیا۔

علیزے شاہ نے اپنی انسٹا اسٹوری میں کہا کہ ’آج میں آپ کو اپنے سب سے بڑے عدم تحفظ کے بارے میں بتانے جارہی ہوں اور وہ یہ ہے کہ میں ایک طویل عرصے سے ایکنی سے لڑ رہی ہوں۔‘

اداکارہ نے کہا کہ ’ہم میں سے بہت سے لوگوں کا ماننا ہے کہ خوبصورت اور صاف جِلد ہی ہماری خوشگوار زندگی کا ایک اہم مقصد اور بنیاد ہے جبکہ میرا خیال اس کے بالکل برعکس ہے۔‘

اُنہوں نے کہا کہ ’میرا ماننا یہ ہے کہ ہم کیل مہاسوں کے ساتھ بھی ایک خوشگوار زندگی گُزار سکتے ہیں۔‘

علیزے شاہ نے معنی خیز پیغام دیتے ہوئے کہا کہ ’آپ کی جِلد آپ کی خوبصورتی اور اہمیت کی پیمائش نہیں کرتی بلکہ آپ کے اندر موجود اعتماد ہی آپ کو سب سے الگ اور پُرکشش بناتا ہے۔‘

اداکارہ نے یہ بھی کہا کہ ’ایک بار جب آپ خود اپنی خوبصورتی کو دیکھیں گے تو باقی لوگ آپ کی تعریف کریں گے اور آپ کو سراہیں گے۔‘

اُنہوں نے مزید کہا کہ ’مسائل سے دور بھاگنے کے بجائے اُنہیں گلے لگائیں اور خوش رہیں‘

واضح رہے کہ علیزے شاہ ناصرف اداکاری بلکہ ماڈلنگ بھی کرتی ہیں۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More