آپ نے اکثر دیکھا ہو گا کہ بڑے بڑے مالز یا ائیر پورٹس پر ایسکلیٹر لفٹ نصب کی جاتی ہے تاکہ ایک منزل سے دوسری منزل تک باآسانی جایا جا سکے اور کسی قسم کی کوئی مشکل پیش نہ آئے لیکن بعض اوقات اس سے کچھ حادثات بھی پیش آجاتے ہیں۔
پاکستان سمیت دنیا بھر میں کئی ایسے واقعات رونما ہو چکے ہیں جن میں لوگ زخمی ہوئے۔ چین سے تعلق رکھنے والے ایک شخص کی ٹانگ ایسکلیٹر لفٹ میں پھنس گئی جس کے بعد وہ فریکچر ہو گئی۔
تاہم پاکستانی خواتین کو اس سے احتیاط کرنی چاہیے خاص طور پر ان خواتین کو جو عبایا پہنتی ہیں۔
عبایا لمبا اور لچکدار ہوتا ہے اس لیے اس کے پھنسنے کے زیادہ امکانات ہوتے ہیں۔
ایسکلیٹر لفٹ میں بلیڈز نصب ہوتے ہیں، اگر ہاتھ پاؤں یا کپڑے اس میں پھنس جائیں تو یہ کٹ جاتے ہیں جس کے باعث انسان زخمی ہونے کے ساتھ بڑا نقصان بھی اٹھا سکتا ہے۔
اور پھر وہ خواتین جن کا بچوں کا ساتھ ہوتا ہے، انہیں خاص طور پر خیال رکھنا چاہیے کہ بچوں کو دھیان سے لے کر گزریں، بچوں کی جلد حساس ہونے کے ساتھ نازک ہوتی ہے لہٰذا انہیں زیادہ زخم آ سکتے ہیں۔