بلاشبہ شاہی خاندان کے زیر استعمال کوئی بھی چیز ہو اس کی قیمت ہماری سوچ سے بھی زیادہ ہوتی ہے۔ وہیں ملکہ برطانیہ کے زیر استعمال گاڑی کی قیمت بھی سامنے آگئی ہے۔ دراصل ملکہ اپنی گاڑی فروخت کرنے جا رہی ہیں۔
برطانیہ کی ملکہ الزبتھ دوم کے زیر استعمال رہنےوالی شاندار کار فروخت کے لیے پیش کردی گئی،سبز بینٹلے کار 2013 سے سے 2015 کے درمیان ملکہ کے زیر استعمال رہی ہے اور اسے لندن میں ہی چلایا گیا ہے۔
ملکہ برطانیہ کے زیر استعمال رہنے کی وجہ سےگاڑی کی اہمیت میں اضافہ ہوگیا ہے اور اس کی قیمت ایک لاکھ 80 ہزار پاؤنڈز یعنی تقریباً 3 کروڑ 82 لاکھ سے زائد پاکستانی روپے رکھی گئی ہے، بتایاگیا ہے کہ گاڑی کی نیلامی سے حاصل ہونے والی رقم خیراتی کاموں پر خر چ کی جائے گی۔
کار کی خریدو فروخت کرنے والے ڈیلرز کا کہنا ہے کہ یہ گاڑی ہر طرح سے بہترین ہے اور اسے خریدنے والا ایسا ہونا چاہیے جو قیمتی گاڑیوں کی حفاظت کرنا جانتا ہو۔