دنیا بھر میں اب تک کئی افسوسناک واقعات پیش آتے رہے ہیں جس کا سن کر دل خون کے آنسو رونے لگتا ہے۔
وہیں بھارت میں اب ایک اور دل سوز واقعہ پیش آیا ہے جہاں کورونا سے باپ کی موت پر دلبرداشتہ اس کی بیٹی نے آگ پر چھلانگ لگا کر خودکشی کرلی۔
بھارتی میڈیا کے مطابق پولیس کا کہنا ہے کہ یہ افسوسناک واقعہ راجستھان میں پیش آیا ہے جہاں کورونا وبا سے ہلاک ہونے والے دمودرداس شردا کی آخری رسومات ادا کی جا رہی تھیں کہ اس کی 34 سالہ بیٹی چندراکالا نے باپ کی جلتی چتا پر چھلانگ لگا دی۔
بھارتی میڈیا کے مطابق چندراکالا کے والد دمودرداس کی عمر 73 برس بتائی گئی ہے۔
پولیس کے مطابق وہاں موجود اہلکاروں نے لڑکی کو فوری طور پر آگ سے نکالا تاہم اس دوران وہ بری طرح جھلس چکی تھی۔
بھارتی میڈیا کے مطابق لڑکی کو فوری طور پر اسپتال منتقل کیا گیا جہاں ڈاکٹرز کا بتانا ہے کہ لڑکی کا 70 فیصد جسم جھلس چکا ہے۔