گزشتہ روز شوبز انڈسٹری کی معروف اداکارہ اور بشریٰ انصاری اوراسماء انصاری کی بہن سنبل شاہد کورونا کے باعث انتقال کر گئیں جس کے بعد اب ان کی بہن بشریٰ انصاری نے جذباتی پیغام جاری کر دیا۔
فوٹو اینڈ ویڈیو شئیرنگ ایپلیکیشن انسٹاگرام پر اداکارہ بشریٰ انصاری نے ماضی کی ایک یادگار تصویر شیئر کی جس میں اُن کے ہمراہ اُن کی والدہ اور بہنیں بھی موجود ہیں۔
انسٹاگرام پر شیئر کردہ تصویر میں دیکھا جا سکتاہے کہ بشریٰ انصاری اور اُن کے بہنیں اپنی والدہ کے ہمراہ انتہائی خوش نظر آرہی ہیں۔
بشریٰ انصاری نے تصویر کے کیپشن میں اپنی مرحومہ بہن سنبل شاہد سے مخاطب ہوتے ہوئے لکھا کہ ہمیں کیا معلوم تھا کہ تُم ہمیں چھوڑ کر چلی جاؤ گی۔
اداکارہ نے لکھا کہ اگر معلوم ہوتا تو ہم رواں سال جنوری میں تمہاری سالگرہ بہت اچھے سے مناتے۔
اُن کی اس جذباتی پوسٹ پر سوشل میڈیا صارفین کی بڑی تعداد سنبل شاہد کی مغفرت کے لیے دُعائیہ پیغامات جاری کررہی ہے۔