تفصیلات کے مطابق کورونا وائرس کی تباہ کارئیوں کے باعث اس سال بھی سعودی حکومت نے غیر ملکی عازمین حج کو حج کرنے کی اجازت نہیں دی۔
یہ دوسری مرتبہ ہے کہ جب حج کرنے کی سعادت صرف سعودی عرب کے لوگوں کو ہی حاصل ہو گی جبکہ پچھلے سال بھی یہ پابندی کارونا وائرس کے باعث عائد کر دی گئی۔
باضابطہ تو ابھی پابندی کے بارے میں اعلان نہیں کیا گیا لیکن غیر ملکی خبر رساں اداروں کی طرف سے حاصل ہو نے والی اطلاعات کے مطابق اس پابندی کا فیلہھ کر لیا گیا ہے بس اعلان کرنا اب باقی ہے۔
مزید یہ کہ ابتداء میں سعودی حکام نے بیرون ملک مقیم عازمین کی میزبانی کا منصوبہ بنایا تھا جسے اب منسوخ کردیا گیا ہے۔
یہ منصوبہ اس لیے منسوخ کیا گیا کیوں کہ ویکسین کی اقسام، ان کی افادیت اور وائرس کی نئی اقسام منظر عام پر آنے کے بعد پیدا ہونے والی پیچیدگیوں نے حکام کو اپنے فیصلے پر غور کرنے پر مجبور کردیا ہے۔
جہاں تک بات سعودی عرب کے اپنے لوگوں کی ہے تو ان کے لئے بھی کئی شرائط رکھی گئیں ہیں جنہیں پورا کرنے کے بعد ہی وہ حج کا فریضہ ادا کر سکیں گے۔
جیساکہ صرف ان مقامی عازمین کو ہی اجازت دی جائے گی جنہیں ویکسین لگی ہے یا جو حج سے کم از کم چھ ماہ قبل وائرس سے صحتیاب ہوئے ہیں۔
اس کے علاوہ سعودی عرب کے سرکاری میڈیا آفس نے خبر پرتبصرے سے گریز کیاہے۔