وزیر اعظم پاکستان عمران خان کی ماضی کی یاد گار تصویریں آئے روز سوشل میڈیا پر شئیر کی جاتی ہیں۔ ان کی تصاویر لوگوں کی توجہ کا مرکز بنتی ہیں۔ عمران خان خود بھی اپنی ماضی کی خوبصورت تصاویر سوشل میڈیا اکاؤنٹس پر شئیر کرتے رہتے ہیں۔
لیکن اس بار عمران خان نے نہین بلکہ شوبز کی مشہور اداکارہ اور سماجی کارکن نادیہ جمیل نے وزیراعظم عمران خان اور اپنے والد کی دوستی کے حوالے سے ایک سنہری یاد تصویر کے صورت میں شیئر کی ہے۔
انہوں نے ٹوئٹر پر ماضی کی ایک تصویر جاری کی جس میں عمران خان کو تو پہلی ہی نظر میں پہچان لیا گیا لیکن باقی دو شخصیات پہچان میں نہیں آرہیں۔
نادیہ جمیل نے بتایا کہ تصویر میں ان کے والد ، اور ان کے والد کے بہترین دوست عمران خان اور اصغر بھائی ہیں۔
اداکارہ کی جانب سے جاری کردہ تصویر میں لکھا گیا کہ انہیں آج بھی یاد ہے کہ جب والد میں کینسر کی تشخیص ہوئی تو کس طرح عمران خان ان کی مدد کو پہنچے اور دوستی کا فرض نبھایا۔
انہوں نے یہ بھی لکھا کہ وہ یہ بھی نہیں بھول سکتیں کہ جب وہ نوعمر تھیں اور نا سمجھی میں کسی دوست سے شادی کرنے والی تھیں، تب مجھے اس اقدام سے کیسے روکا۔