میڈیا انڈسٹری کی مقبول ترین اداکارہ سارہ خان سوشل میڈیا ویب سائٹس بالخصوص انسٹاگرام پر اکثر اسٹوریز اور ویڈیوز شئیر کرتی رہتی ہیں۔
گزشتہ روز ماؤں کے عالمی دن پر جہاں شوبز کے دیگر اسٹارز اپنی ماؤں کے ہمراہ تصاویر شئیر کر رہے تھے وہیں سارہ خان کی ایک شئیر کردہ اسٹوری پر مداح بھی تشویش میں مبتلا ہوگئے۔
انسٹاگرام پر مداحوں کی جانب سے بنائے گئے اداکاروں کے فین بیس پیجز پر مختلف فنکاروں کی اپنی ماؤں کے ہمراہ تصاویر شئیر کی جا رہی تھیں وہیں ان تصاویر میں سارہ خان کی مرحومہ والدہ کی تصورین بھی موجود تھیں جنہیں دیکھ کر اداکارہ شدید غصہ ہوگئیں۔
سارہ خان نے اپنی انسٹاگرام اسٹوری شئیر کرتے ہوئے لکھا کہ ’براہِ کرم! میری والدہ کی تصویریں سوشل میڈیا پر شیئر کرنا بند کریں۔
اداکارہ کی یہ اسٹوری تیزی سے سوشل میڈیا کے مختلف پلیٹ فارمز پر وائرل ہوگئی جس کے بعد فین پیجز کی جانب سے اُن کی مرحومہ والدہ کی تصاویر ڈیلیٹ کردی گئیں۔
خیال رہے کہ سارہ خان والدہ سال 2017ء میں وفات پا گئیں تھیں جبکہ گزشتہ سال دسمبر میں اُن کے والد بھی اس دنیا سے رخصت ہوگئے تھے۔