اراکین سے گالم گلوچ کرواکر عمران خان اپنی نااہلی پر پردہ ڈالنا چاہتے ہیں، بلاول

بول نیوز  |  Jun 16, 2021

پاکستان پیپلزپارٹی کے چیئرمین بلاول بھٹو زرداری نے کہا ہے کہ حکومتی اراکین سے گالم گلوچ اور بدتمیزی کرواکر عمران خان اپنی نااہلی پر پردہ ڈالنا چاہتے ہیں۔

تفصیلات کے مطابق پاکستان پیپلزپارٹی کے چیئرمین بلاول بھٹو زرداری نے پارلیمان میں غیرمہذب حکومتی رویے کی مذمت کرتے ہوئے کہا کہ حکومتی اراکین نے پارلیمان میں افسوس ناک اور ناقابل برداشت رویہ اختیار کرکے ایوان کے تقدس کی دھجیاں اڑادی ہیں۔

پاکستان پیپلزپارٹی کے چیئرمین نے کہا کہ حکومتی اراکین سے گالم گلوچ اور بدتمیزی کرواکر عمران خان اپنی نااہلی پر پردہ ڈالنا چاہتے ہیں، اگر ایوان میں عوامی نمائندے نامناسب رویہ اختیار کریں گے تو یہ پارلیمان کے شایانِ شان نہیں ہے۔

بلاول بھٹو زرداری نے یہ بھی کہا کہ پارلیمان میں عوامی مسائل پر کو اجاگر اور ان کے حل پر قانون سازی کے بجائے غیرسنجیدہ طرز عمل اختیار کرنا ایک اچھی روایت نہیں۔

پاکستان پیپلزپارٹی کے چیئرمین بلاول بھٹو زرداری نے مزید کہا کہ پارلیمان کو اکھاڑہ بنانے کے بجائے ایوان میں اپنے فرائض کی ادائیگی کرکے اراکین اسمبلی کو ایک بہترین مثال پیش کرنا ہوگی۔

--> Double Click 300 x 250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More