ٹوکیو اولمپکس کا آغاز آج سے ہو گا اور اس کی رنگا رنگ افتتاحی تقریب بھی آج ہی ہو گی ۔پاکستان کے 10 کھلاڑی اس بڑے ایونٹ میں شرکت کریں گے اور ان 10 کھلاڑیوں میں ارشد ندیم ، نجمہ پروین اور ماہ نور شہزاد سر فہرست ہیں۔ مزید یہ کہ ان تینوں کھلاڑیوں کا تعلق محکمہ واپڈا سے ہے۔ دنیا بھر سے ساڑھے 11 ہزار افراد اس بڑے ایونٹ میں شریک ہو نگے۔
اور 33 کھیلوں کے 50 ڈسپلن میں 339 ایونٹس ہوں گے۔ یہاں کھیلوں کے دیوانوں کیلئے یہ کچھ اچھی خبر نہیں ہے کہ اولمپکس ولیج میں کورونا وائرس کے کیسز کی تعداد میں اضافہ ہو گیا ہے ۔اس کے علااوہ 87 کیسز رپورٹ ہوئے جن میں 12 ایتھلیٹس بھی شامل ہیں۔
واضح رہے کہ ٹوکیو اولمپکس اس مرتبہ کورونا وائرس کی وجہ سے تماشائیوں کے بغیر ہی ہو گا اور یہ بڑا ایونٹ 8 اگست 2021 تک جاری رہے گا۔