دنیا سے موبائل فون ختم کرنے کا منصوبہ؛ متبادل ڈیوائس تیار کرلی گئی؟

بول نیوز  |  Jul 30, 2021

دنیا سے موبائل فون ختم کرکے متبادل ڈیوائس  متعارف کروائی جا رہی ہے، اس حوالے سے تفصیلات بھی جا ری کر دی گئی ہیں۔

سوشل میڈیا رپورٹس کے مطابق فیس بک کی جانب سے اسمارٹ فونز کے خاتمے کے لیے عرصے سے مختلف ہارڈ ویئر منصوبوں پر کام کیا جارہا ہے۔ جن میں سے ایک اسمارٹ گلاسز بھی ہے جس پر کئی سال سے کام کیا جارہا تھا۔

مگر اب کمپنی کی جانب سے اسے متعارف کرانے کا عندیہ ظاہر کیا گیا ہے۔

فیس بک کے بانی مارک زکربرگ نے سہ ماہی رپورٹ جاری کرتے ہوئے بتایا کہ کمپنی کی جانب سے رے بین کے تیار کردہ اسمارٹ گلاسز کو جلد متعارف کرایا جائے گا۔

انہوں نے بتایا کہ ‘یہ گلاسز آئیکونک ہوں گے اور ان سے آپ بہت کچھ کرسکیں گے، اسی لیے میں مستقبل میں مکمل اگیومینٹڈ گلاسز کے سفر میں پیشرفت کے لیے پرجوش ہوں۔

اسمارٹ گلاسز کے بارے میں سب سے پہلے رپورٹس 2019 میں سامنے آئی تھی اور اس وقت بتایا گیا تھا کہ اس ڈیوائس کا کوڈ نام اورین رکھا گیا ہے۔

رپورٹ میں یہ بھی بتایا گیا تھا کہ اسمارٹ گلاسز کو 2021 میں متعارف کرایا جاسکتا ہے مگر اس کے بعد کوئی رپورٹ سامنے نہیں آئی۔

مارک زکربرگ نے بتایا کہ یہ گلاسز مستقبل کی کنجی کی حیثیت رکھتے ہیں، مستقبل میں فیس بک شیئرڈ اور لیو ایبل پلیٹ فارم کو تشکیل دے گی جس سے لوگ ورچوئل رئیلٹی اور اگیومینٹڈ رئیلٹی سے ‘ٹیلی پورٹ’ ہوسکیں گے۔

مارک زکربرگ نے اس کے لیے میٹا ورس کی اصطلاح بھی استعمال کی جس کو حالیہ عرصے میں کافی مقبولیت حاصل ہوئی ہے۔

مارک زکربرگ کا کہنا تھا کہ ہمارا بزنس ماڈل مہنگی ڈیوائسز کی فروخت کے گرد گھومنے والا نہیں ہوگا بلکہ ان کو زیادہ کم قیمت بنایا جائے گا کیونکہ ہمارا مشن زیادہ سے زیادہ لوگوں کی خدمت کرنا ہے۔

سابقہ رپورٹس کے مطابق فیس بک کے اگیومینٹڈ رئیلٹی ٹیکنالوجی سے لیس اسمارٹ گلاسز کو پہننے پر صارفین کی آنکھوں کے سامنے ایک گرافک ڈسپلے آجائے گا جبکہ صارف کالز کرسکے گا، اپنی پوزیشن کو لائیو اسٹریم اور فیس بک پاور اے آئی سے بہت کچھ کرسکے گا۔

ویسے یہ پہلی بار نہیں جب فیس بک کی جانب سے اسمارٹ فونز کو ختم کرنے کے منصوبہ سامنے آیا ہو۔

Adsense 300×250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More