بھارتی جوکہ مشہور کامیڈین ہیں، ان کے بارے میں تو کون نہیں جانتا، بھارتی ہمیشہ ہنتی مسکراتی ب کے چہروں پر خوشیاں بکھیرتی ہوئی دکھائی دیتی ہیں۔ آج سے پہلے ہر کوئی بھارتی کا مذاق اڑاتا دکھائی دیتا تھا مگر اب آپ بھارتی کو دیکھ کر کوئی پہچان ہی نہیں پا رہا کہ بھارتی اتنی دبلی ہوگئی ہے۔

بھارتی نے پہلے بھی اپنا وزن کم کرکے سب کو حیران کیا تھا اور 120 کلو سے وہ 91 کلوگرام پر آگئی تھیں، مگر اب انہوں نے اپنا وزن 76 کلوگرام کرکے موٹے لوگوں کو یہ اشارہ دے دیا کہ محنت کرنے سے کچھ مشکل نہیں ہے۔

بھارتی کہتی ہیں کہ:

'' میں روزانہ شام 7 بجے کے بعد کچھ بھی نہیں کھاتی تھی صرف اور صرف سادہ پانی یا گرم پانی پیتی تھی، ساتھ ہی لیموں والا پانی بغیر چینی کے صرف ڈیٹاکس واٹر اور اگلے دن دوپہر 12 بجے تک کھانے کی کوئی چیز نہیں کھاتی تھی، پھر اس کے بعد یعنی 12 بجے کے بعد شام 7 سے پہلے جو کچھ ہوسکتا تھا کھا جاتی تھی، اس میں بھی آئلی کھانے سے پرہیز رکھا، فاسٹ فوڈ بھی مناسب کھائے، جس سے میرا وزن تیزی کم ہوگیا۔ ''

کیا بھارتی کو شوگر تھا؟

جی ہاں! بھارتی کو شوگر ہے اور یہ اکثر موٹے لوگوں کو ہو جاتا ہے کیونکہ ان کے جسم میں کولیسٹرول اور انسولین کی اضافی مقدار بننے لگتی ہے، جس کی وجہ سے ان کو شوگر ہو جاتا ہے۔

بھارتی کہتی ہیں کہ:

''اب میری سانس نہیں چڑھتی اور ہلکا ہلکا محسوس ہوتا ہے، استھما کے ساتھ ساتھ ذیابیطس بھی کنٹرول میں آگئی ہے۔ اور اب میں پہلے سے زیادہ خود کو فریش محوس کرتی ہوں۔ ''