روڈ ورلڈ سائیکلنگ چیمپئن شپ میں پاکستانی سائیکلسٹس ٹاپ50میں بھی جگہ نہ بناسکے

بول نیوز  |  Sep 20, 2021

روڈ ورلڈ سائیکلنگ چیمپئن شپ میں مردوں کی انفرادی ٹائم ٹرائلز میں پاکستانی سائیکلسٹس ٹاپ50میں بھی جگہ نہ بناسکے۔

تفصیلات کے مطابق روڈ ورلڈ سائیکلنگ چیمپئین شپ بیلجیم کے شہر فلینڈرز میں شروع ہوگئی، چیمپئین شپ کے پہلے روز پاکستان کے 2سائیکلسٹس علی الیاس اور خلیل امجد مردوں کی انفرادی ٹائم ٹرائلز میں شریک ہوئے۔

 43.3کلومیٹر کی اس ریس میں پاکستان کے علی الیاس نے 52ویں جبکہ خلیل امجد نے 54ویں پوزیشن حاصل کی۔

علی الیاس پہلی اسپلٹ کے اختتام پر 53ویں پوزیشن پر تھے تاہم بقیہ 2اسپلٹس میں انہوں نے اپنی پوزیشن کو بہتر کیا اور ریس 52ویں پوزیشن پر ختم کی۔

انہوں نے مقررہ فاصلہ 58منٹ، 53عشاریہ 66سیکنڈز میں طے کیا۔

 علی الیاس گولڈ میڈل حاصل کرنے والے اٹلی کے سائیکلسٹ سے 11منٹ 5سیکنڈز کم تھا جبکہ ان کی اوسط اسپیڈ 44.113 رہی۔

پاکستان سائیکلنگ ٹیم کے منیجر شعیب نظامی کہتے ہیں کہ ماضی میں پاکستانی کھلاڑی اس فاصلے پر گولڈ میڈلسٹس سے 15 منٹ پیچھے ہوا کرتے تھے، اب 11منٹ پیچھے ہیں جو کارکردگی میں بہتری ہے۔

ایونٹ میں شریک پاکستان کے دوسرے سائیکلسٹ خلیل امجد نے فاصلہ ایک گھنٹہ، ایک منٹ، 7عشاریہ 50سیکنڈز میں طے کیا۔

Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More