محمد زبیر محمدی میموریل کرکٹ ٹورنامنٹ، منٹگمری جیمخانہ اور ٹی ایم سی کی کامیابی

بول نیوز  |  Sep 22, 2021

محمد زبیر میموریل کرکٹ ٹورنامنٹ میں منٹگری جیمخانہ اور ٹی ایم سی کلب نے کامیابی حاصل کر لی ہے۔

تفصیلات کے مطابق الرحمٰن کرکٹ کلب کے زیر اہتمام منعقدہ محمد زبیر محمدی میموریل کرکٹ ٹورنامنٹ میں منٹگمری جیمخانہ نے مجاہد جیمخانہ کو با آسانی 114 رنز سے شکست دیدی، ٹی ایم سی گراؤنڈ پر کھیلے گئے میچ میں منٹگمری جیمخانہ نے ٹاس جیت کر پہلے بیٹنگ کرتے ہوۓ مقررہ اوورز میں چھ وکٹوں کے نقصان پر 185 رنز اسکور کئے۔

 غازی عباد ناصر نے ناقابل شکست 44 رنز ، احسن شیراز نے 38 رنز اور علی مہر نے 35 رنز اسکور کئے جبکہ  عادل رشید اور ولی خان نے دو دو کھلاڑیوں کو آوٹ کیا ۔

جواب میں مجاہد جیمخانہ کی پوری ٹیم 16۰3 اوورز میں 71 رنز بناکر آوٹ ہوگئی، عادل اشفاق نے 24 رنز اسکور کئے ۔

انڈر 19 لیفٹ آرم لیگ اسپینر سید طیب نے تباہ کُن بولنگ کا مظاہرہ کرتے ہوئےصرف 11 رنز دے کر 4 کھلاڑیوں کو آوٹ کیا جبکہ سمیر احمد نے تین اور طحٰہ وقار نے دو کھلاڑیوں کو آؤٹ کیا۔

 ایمپائرنگ کے فرائض نعیم خان اور اصغر شاہ نے سرانجام دئیے۔

 دوسرے میچ میں کے ایم سی ایسٹرن اسٹار گراؤنڈ پر ٹی ایم سی کرکٹ کلب نے ینگ کو آپریٹرز کرکٹ کلب کو دلچسپ اور سنسنی خیز مقابلے کے بعد 6 رنز سے شکست دیدی ۔

ٹی ایم سی کرکٹ کلب نے پہلے بیٹنگ کرتے  ہوئے مقررہ اوورز میں 7وکٹوں کے نقصان پر 215 رنز اسکور کئے ۔

بازید خان نیازی نے 61 رنز ، شفقت اللہ  خان 58 رنز اور حظیفہ احسان نے 32 رنز اسکور کئے  جبکہ عدنان سلیم نے 3 اور نور محمد نے 2 کھلاڑیوں کو آؤٹ کیا۔

 جواب میں ینگ کو آپریٹرز کرکٹ کلب مقررہ اوورز میں 9 وکٹوں کے نقصان پر 209 رنز بنا سکی، ثناء اللہ نے 44 رنز ، نور محمد نے 33 رنز ، علی جسیم نے ناقابل شکست 33 رنز اور عدنان سلیم نے 24 رنز اسکور کئے ۔

عبدالرحیم نے 3 جبکہ روحیل نثار اور شعیب علی نقوی نے دو دو کھلاڑیوں کو آؤٹ کیا ۔

اس میچ میں ایمپائرنگ کے فرائض محمد ذکی اور راشد علی نے سرانجام دئیے ۔

Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More