ناپسندیدہ فالوورز کو ہٹانے کیلئے ٹویٹر کا نیا فیچر

سماء نیوز  |  Oct 12, 2021

فوٹو: اے ایف پی

سوشل میڈیا کی مشہور ویب سائٹ ٹویٹر نے ایک نیا فیچر متعارف کروایا ہے جس میں صارف کسی بھی فالوور کو بلاک کیے بغیر فالوور سے ہٹا سکتا ہے، اس عمل کو ’’سافٹ بلاک‘‘ کا نام دیا گیا ہے۔

ٹیکنالوجی کی ویب سائٹ ’’دی ورج‘‘ کے مطابق صارف اس آپشن کو اختیار کرنے کے لیے اپنی پروفائل میں جا کر فالوورز کی فہرست میں جائے اور پھر فالو آپشن کے ساتھ تین ڈاٹ والے آپشن کو کلک کریں۔ یہاں آپ کے پاس مختلف آپشنز آئیں گے جس میں تیسرا آپشن ’’ریموو دس فالوور‘‘ کا ہوگا۔

ریموو دس فالوور کا آپشن اختیار کرنے پر سامنے والے کو اس بات کا علم نہیں ہوگا کہ آپ نے اسکو فالوور سے ہٹا دیا ہے۔

دی ورج ویب سائٹ سے لی گئی تصویر

سافٹ بلاک کا طریقہ دیگر بلاک کرنے کے طریقے سے مختلف ہے کیونکہ یہ صارف کو آپ کے ٹویٹس دیکھنے اور براہ راست پیغام بھیجنے کی اجازت تو دیتا ہے لیکن وہ آپ کے ٹویٹس کو آپ کے فیڈ پر نہیں دیکھیں گے۔

البتہ جب آپ کسی فالوور کو ہٹاتے ہیں تو وہ اگر چاہیں تو آپ کو دوبارہ فالو بھی کر سکتا ہے۔

ٹویٹر کا یہ نیا طریقہ پچھلے طریقے سے تھوڑا آسان ہے، کیونکہ یہ آپ کو خود سے کسی صارف کو بلاک کرنے یا نہ کرنے کا اختیار دیتا ہے۔

واضح رہے کہ کمپنی نے گزشتہ ماہ ستمبر میں اس فیچر کو ٹیسٹ کیا تھا۔ اس سے قبل صارفین کے پاس صرف بلاک کرنے یا اَن فالو کرنے کا آپشن ہوتا تھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More