ویڈیو:افغان وزیرخارجہ کےچلغوزوں کےتخفے پر چینی ہم منصب کاردعمل

سماء نیوز  |  Oct 26, 2021

قطر کے دارالحکومت دوحا میں عبوری افغان وزیرخارجہ امیر خان متقی کی قیادت میں ایک وفد نے منگل کو چینی وزیرخارجہ وانگ ژی کی قیادت میں چینی وفد سے ملاقات کی۔

ملاقات میں فریقین نے سفارتی تعلقات، دوطرفہ تجارت، افغانستان کے لیے چین کی امداد اور چین میں افغان طلباء کے لیے اعلیٰ تعلیم کے مواقع پیدا کرنے کے ساتھ ساتھ دو طرفہ تعلقات میں مواقع اور چیلنجز سمیت دیگر امور پر تبادلہ خیال کیا۔

طالبان کے ترجمان ذبیح اللہ مجاہد نے ٹویٹ کرتے ہوئے بتایا کہ ملاقات سے قبل افغان وزیرخارجہ نے چینی ہم منصب کو چلغوزوں کا تحفہ پیش کیا۔

ویڈیو میں دیکھا جاسکتا ہے کہ چینی وزیرخارجہ نے اپنے افغان ہم منصب کی جانب سے چلغوزوں کے تحفے پر خوشی کا اظہار کیا اور انگوٹھے ہلا کر پسندیدگی کا اظہار کیا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More