وطن عزیز کے لئے جانیں قربان کرنے والے شہداء ہمارا سرمایہ ہیں، عثمان بزدار

بول نیوز  |  Nov 28, 2021

وزیراعلیٰ پنجاب کا کہنا ہےکہ وطن عزیز کے لئے جانیں قربان کرنے والے شہداء ہمارا سرمایہ ہیں۔

وزیراعلیٰ پنجاب سردار عثمان بزدارنے شمالی وزیرستان کے علاقے دتہ خیل میں چیک پوسٹ پر دہشت گردوں کے حملے کی مذمت کرتے ہوئے کہاکہ حملے میں جام شہادت نوش کرنے والے سکیورٹی فورسز کے جوانوں کی عظیم قربانی کوخراج عقیدت پیش کرتے ہیں۔

ان کا کہنا تھا کہ وطن عزیز کے امن کیلئے اپنی قیمتی جانیں نچھاور کرنے والے پاک دھرتی کے بہادر سپوتوں کو سلام پیش کرتے ہیں۔

وزیراعلیٰ پنجاب نے شہداء کے لواحقین سے دلی ہمدردی کا اظہار اور تعزیت کی۔

انہوں نے کہاکہ شہید لانس لائیک عارف اور نائیک رحمان نے شہادت کا بلند رتبہ پایا، قوم شہدا ء کی قربانیوں کوفراموش نہیں کرسکتی، ہماری تمام ہمدردیاں شہداء کے لواحقین کے ساتھ ہیں۔

عثمان بزدار کا مزید کہنا تھا کہ مٹھی بھر عناصر دہشت گردی کے ذریعے قوم کے بلند حوصلے پست نہیں کرسکتے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More