پیٹرولیم مصنوعات کی قیمتوں میں کمی آئیگی،مشیر تجارت

بول نیوز  |  Dec 03, 2021

مشیر تجارت عبدالرزاق داؤد نے کہا ہے کہ پیٹرولیم مصنوعات کی قیمتوں میں کمی آئی گی۔

تفصیلات کے مطابق مشیر تجارت عبدالرزاق داؤد نے میڈیا سے گفتگو کرتے ہوئے کہا کہ انرجی اور خام مال کی درآمد میں اضافہ ہوا، خام مال میں اضافہ اچھی بات ہے جس سے صنعتیں چلتی ہیں۔

ان کا کہنا تھا کہ گھبرانے کی کوئی بات نہیں ہے، پیٹرولیم مصنوعات کی قیمتوں میں کمی آئیگی۔

 مشیر تجارت کا کہنا تھا کہ ویکسین کی درآمد عالمی بینک اور اے ڈی بی کی فنڈنگ سے ہورہی ہے۔

مشیر تجارت عبدارزاق داؤد کا مزید کہنا تھا کہ نومبر میں برآمدات 2.9 ارب ڈالر کی تاریخی سطح پر آئیں، ماہ دسمبر میں 3 ارب ڈالر کی برآمدات ہوجائیں گی۔

دوسری جانب مشیر خزانہ شوکت ترین نے اسلام آباد میں پریس کانفرنس کرتے ہوئے کہا کہ تین بڑی خبریں آئیں جس کی وجہ سے مارکیٹ متاثر ہوئی، پہلی خبر یہ تھی کہ مہنگائی نومبر میں 11.5بڑھی، دوسری خبر یہ تھی کہ برآمدات 7.7ارب ڈالر رہیں اور تیسری خبر اسٹیٹ بینک کی مانیٹری پالیسی میں ڈسکاؤنٹ ریٹ 8.75 تک پہنچنے سے متعلق تھی۔

مشیر خزانہ کا کہنا تھا کہ حکومت نے ٹریژری بل 10.75 فیصد پر اٹھائے ہیں، مہنگائی درآمدی اشیاء کی وجہ سے ہے، جبکہ 4 چیزوں کی درآمد میں اضافہ ہوا جس کی وجہ سے امپورٹ بل بڑھا ہے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More