افغانستان میں یورپی ملکوں کا مشترکہ سفارتی مشن کھولنے پر غور کیا جارہا ہے، فرانس

بول نیوز  |  Dec 05, 2021

فرانس کے صدر ایمانوئل میکرون کا کہنا ہے کہ یورپ کے کئی ملک افغانستان میں مشترکہ سفارتی مشن کھولنے پر غور کر رہے ہیں۔

دوحا میں میڈیا سے بات کرتے ہوئے فرانسیسی صدر نے کہا کہ ہم کئی یورپی ممالک کے اشتراک کے ساتھ افغانستان میں ایک ایسی مشترکہ جگہ سے متعلق غور کررہے ہیں جہاں ہمارے سفارت کار موجود ہوں۔ اس کا مطلب یہ نہیں کہ ہم افغانستان میں طالبان کی حکومت کو تسلیم کررہے ہیں، مشترکہ سفارتی مشن کا مقصد اس بات کو یقینی بنانا ہے کہ وہاں ہماری نمائندگی موجود رہے۔

فرانسیسی صدر ان دنوں مشرق وسطیٰ کے ملکوں کے دورے کررہے ہیں۔ 2 روز قبل فرانس اور یو اے ای کے درمیان 80 رافیل لڑاکا طیاروں کی خریداری کا معاہدہ طے پایا ہے، جس کی مالیت 17 ارب یورو ہے۔

واضح رہے کہ یورپی یونین بھی افغانستان کے ساتھ تعلقات کے فروغ کے لیے کوشاں ہے، گزشتہ ہفتے یورپی یونین کے وفد نے دوحا میں ہی امریکا سے مذاکرات کے لیے آئے ہوئے افغان طالبان کے وفد سے ملاقات کی تھی، اس ملاقات میں طالبان نے یورپی یونین سے ملک کے ہوائی اڈوں کا انتظام چلانے کی درخواست کی تھی۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More