عرفان پہلے سے جانتے تھے وہ زیادہ عرصہ زندہ نہیں رہ سکیں گے۔۔۔ موت کے کچھ عرصے بعد نصیر الدین شاہ نے ان کی زندگی کے متعلق کئی راز بتا دئیے

ہماری ویب  |  Dec 08, 2021

سینئر بھارتی اداکار نصیر الدین شاہ نے ایک انٹرویو میں انکشاف کیا ہے کہ مرحوم اداکار عرفان خان اپنے انتقال سے 2 سال پہلے جانتے تھے کہ وہ زیادہ عرصہ زندہ نہیں رہ سکیں گے۔

ایک انٹرویو کے دوران نصیر الدین شاہ نے بتایا کہ عرفان خان سے ان کی بیماری کے متعلق کئی مرتبہ گفتگو ہوئی، اس وقت بھی ہوئی تھی تب وہ لندن کے اسپتال میں زیر علاج تھے۔

انہوں نے مزید بتایا کہ جس طرح عرفان نے اپنی بیماری سے مقابلہ کیا، وہ حیران کن بات ہے۔ وہ اپنی جنگ آخری وقت تک بڑی بہادری سے لڑتے رہے۔

انہوں نے کہا کہ عرفان کہتے تھے کہ میں دیکھ رہا ہوں موت میرے قریب آرہی ہے، کتنے لوگوں کو موقع ملتا ہوگا کہ وہ اپنی موت کو دیکھیں اور خوش دلی سے اسے قبول کریں۔

نصیر الدین شاہ نے کہا کہ عرفان کا اس دنیا سے جانا ایک بہت بڑا نقصان ہے، مگر یہ ہمارے ہاتھوں میں نہیں ہوتا۔

واضح رہے کہ اداکار عرفان خان کا انتقال 29 اپریل 2020 کو ہوا تھا، جبکہ وہ کئی عرصے سے کینسر کی بیماری میں مبتلا تھے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More