کینسر ایک ایسا مرض ہے جس کی تشخیص بر وقت ہو جائے تو انسان کا زندہ بچنا ممکن ہے۔ ایسی ہی خوش قسمت اداکارہ کبریٰ خان بھی ہیں۔ اداکارہ نے پہلی مرتبہ اپنے متعلق بات کرتے ہوئے بتایا کہ پچھلے 2 سے 3 سال بہت مشکل ترین سال گزرے ہیں۔ مجھے لاک ڈاؤن میں کینسر ہوگیا تھا۔ جب میں اپنی فیملی کے پاس لندن گئیں تو ایک چیک اپ کے دوران اچانک کینسر کی تشخیص سامنے آئی۔
کینسر کی تشخیص پہلے مرحلے ہی میں ہو گئی تھی، شکر ہے، اللّٰہ کا یہ بھی کرم تھا کہ مجھے پہلے ہی اسٹیج پر معلوم ہو گیا تھا کہ مجھ میں ٹیومر موجود ہے وہ ابھی پہلے اسٹیج پر ہے۔ لیکن جب ہسپتال گئی تو تکلیف دہ مراحل سے گزری بہت تکلیف ہوئی مگر اللہ نے مجھے زندہ بچا لیا۔
ان حالات کی وجہ سے میں موٹی ہوگئی کیونکہ ٹیومر کے آپریشن کے بعد چلنے پھرنے سے منع کیا جاتا ہے۔ میں پاکستان واپس آئی تو موٹی ہوگئی، لوگ مجھے طعنے دیتے تھے۔ مگر میں کیسے بتاتی کہ مجھ پر کون سی قیامت گزری ہے۔