جتنی مشقت کپڑے دھونے میں لگتی ہے تہہ کرنے اور استری کرنے میں اس سے کہیں زیادہ مشقت بھی لگتی ہے اور یہ ایک صبر آزما کام ہے لیکن اب نہیں کیونکہ اب آگئی ہے ایک ایسی مشین جو یہ تمام کام چٹکی بجاتے میں کردے گی۔
اس مشین کو فولڈیمیٹ مشین کہتے ہیں۔ یہ مشین کپڑوں کو نہ صرف تہہ کرتی ہے بلکہ استری بھی کرتی ہے۔ کوئی بھی دھلا ہوا ڈریس لیں اور اسے مشین کے کھلے ہوئے حصے میں سیدھا کرکے ڈالتے جائیں۔ کپڑے مشین سے استری ہونے کے بعد تہہ شدہ صورت میں نکل کر باہر آئیں گے۔ مشین کے زریعے ایک وقت میں کئی کپڑے تہہ کیے جاسکتے ہیں۔
فی الحال فولڈیمیٹ مشین کو پاکستان میں نہیں دیکھا جاسکا ہے لیکن باہر کے ممالک میں اس کی مقبولیت کو دیکھتے ہوئے یہ کہا جاسکتا ہے بہت جلد یہ مشین پاکستان میں بھی آجائے گی جس سے بہت سے ایسے لوگوں کے مسائل حل ہوسکیں گے جنھیں کپڑے تہہ کرنے اور استری کرنے میں پریشانی کا سامنا ہوتا ہے۔
ایسی ہی ایک مشین ورٹیکل آئرن کے نام سے ملتی ہے جو سیدھے لٹکے ہوئے کپڑوں کو بھی استری کردیتی ہے۔ یہ استری پاکستان میں باآسانی کسی بڑے اسٹور یا آن لائن مل جاتی ہے۔