سیارچے کے تعاقب میں ناسا کا نیا شمسی چادر والا سیٹلائٹ

بول نیوز  |  Jan 24, 2022

خلائی تحقیق وتسخیر کی تاریخ میں ایک اہم سنگِ میل جلد سامنے آئے گا۔ ناسا نے ایک دلچسپ خلائی جہاز بنایا ہے جو چھوٹی بس کی جسامت کے 2020 جی ای نامی شہابئے تک پہنچے گا۔

اس خلائی جہاز کی خاص بات یہ ہے کہ اس میں لچکدار پردے کی طرح ایک چادر لگائی گئی ہے جو شمسی توانائی سے قوت جمع کرکے سیٹلائٹ کو چلاتی رہیں گی۔ اس خلائی جہاز کا پورا نام “این ای اے اسکاؤٹ” کا نام دیا گیا ہے۔

این ای اے اسکاؤٹ میں جوتے کے ڈبے کے برابر ایک بہت چھوٹا سیٹلائٹ بندھا ہے۔ اس کے ساتھ ایک وسیع وعریض شمسی چادر ہے جس پر المونیئم کی پرت چڑھائی گئی ہے۔ اگر پوری چادر کھول دی جائے تو اس کی وسعت ایک ریکٹ بال کے کورٹ جتنی ہوجاتی ہے۔

2020 جی ای سیارچہ اصل میں ایک بس کے برابر ہے اور انسانی تاریخ میں ہم نےسب سے چھوٹے شہابئے کی کھوج کے لیے ایک خلائی جہاز روانہ کیا ہے جو خود ٹیکنالوجی کا ایک شاہکار ہے۔ یہ سیارچہ زمین کے قریب گردش کرتا رہتا ہے جس کی لمبائی 60 فٹ کے لگ بھگ ہے۔

این ای اے اسکاؤٹ پر جدید ترین کیمرہ نصب ہے جو اس کی نہایت تفصیلی تصاویر بہت قریب سے کھینجے گا۔ اس طرح ہم اس کی جسامت، گردش اور مٹی کی ساخت کو بہت گہرائی سے سمجھ سکیں گے

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More