پودے گھروں میں لگانے سے ماحول پُرسکون ہو جاتا ہے۔ گھر میں ٹھنڈک بھی رہتی ہے اور گرمی کا احساس بھی کم ہی ہوتا ہے۔ پودے ہماری روزمرہ زندگی میں بہت اہمیت کے حامل ہیں۔ ہر کسی کو اپنے گھر میں ویسے تو پودے ضرور لگانے چاہیئیں تاکہ آلودہ ماحول سے خود کو بچا سکے۔ ہندو لوگ اپنے گھروں میں تلسی کا پودا لازمی لگاتے ہیں کیونکہ وہ ان کا مقدس پودا ہے۔
اس کے علاوہ اکثر ہندوؤں کے گھر میں جنگلی مرچوں کا پودا بھی لازمی لگا ہوا ہوتا ہے۔ کیا آپ جانتے ہیں کہ وہ اس پودے کو کیوں لگاتے ہیں اور اس کے کیا فائدے ہیں؟
جنگلی مرچ کا پودا:
جنگلی مرچ کا پودا ویسے تو شوگر اور دل کی بیماریوں کو دور کرنے والی ادویات میں بکثرت استعمال ہوتا ہے۔ اس کے پتوں سے نکلنے والا رس ہر قسم کے کیڑوں یہاں تک کہ سانپ کے زہریلے زہر کو جسم سے نکال باہر کرنے میں مدد دیتا ہے۔ ہندو لوگ اس کو اپنے گھر میں اس لیے بھی لگاتے ہیں کیونکہ ان کے مطابق اس پودے کو گھر میں لگانے سے کسی قسم کے اثرات ( جن، جنات، بھٹکتی روحیں ) تنگ نہیں کرتیں۔ بہرحال یہ ان کا اپنا عقیدہ ہے۔
جنگلی مرچ کے پودے کے فائدے :
٭ یہ شوگر کنٹرول کرنے میں مدد دیتا ہے۔
٭ دل کا دورہ پڑ جائے تو جسم میں ہونے والی کمزوری کو دور کرنے میں مفید ہے۔
٭ کسی بھی قسم کی الرجی میں اس کا رس جسم پر لگانے سے فائدہ ہوتا ہے۔
٭ جسم سے زہریلے مادوں کے اخراج میں مدد دیتا ہے۔
٭ اعصابی خرابی اور گردوں کی کمزوری کو دور کرنے میں معاون ہے۔