پولینڈ میں روسی سفیر پر رنگ پھینک دیاگیا، ویڈیو وائرل

سماء نیوز  |  May 09, 2022

پولینڈ کے دارالحکومت وارسا میں یوکرین جنگ کے مخالف مظاہرین نے روسی سفیر کے منہ پر لال رنگ پھینک دیا، جس کی ویڈیو سوشل میڈیا پر وائرل ہوگئی۔

غیر ملکی میڈیا کے مطابق روسی سفیر پر رنگ پھینکے کا واقعہ پیر کو اس وقت پیش آیا جب پولینڈ کے دارالحکومت وارسا میں روسی سفیر سارگے آندریو ایک قبرستان میں دوسری جنگ عظیم میں مرنے والے روسی فوجیوں کی قبروں پر پھول چڑھا رہے تھے۔

سوشل میڈیا پر وائرل ویڈیو میں دیکھا جاسکتا ہے کہ روسی سفیر کے اردگرد ان کا اسٹاف اور میڈیا کے ساتھ لوگوں کی بھیڑ موجود ہے، جہاں ان پر لال رنگ پھینکا جارہا ہے۔

اس موقع پر اطراف میں موجودہ مظاہرین یوکرینی جھنڈے تھامے ہوئے ہیں، انہوں نے روسی سفیر کے خلاف ’فاشسٹ‘ کے نعرے بھی لگائے۔

دوسری جانب پیر کو دوسری جنگ عظیم میں فتح کے حوالے سے سالانہ پریڈ کے آغاز پر روسی صدر ولادی میر پیوٹن نے ہزاروں فوجیوں کو بتایا کہ یوکرین میں روسی افواج نازی ازم کیخلاف جنگ جاری رکھے ہوئے ہیں، تاہم یہ ضروری ہے کہ سب کچھ کیا جائے تاکہ عالمی جنگ دوبارہ رونما نہ ہو۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More