راشد لطیف کوکشمیرپریمیئرلیگ میں بڑی ذمہ داریاں مل گئیں

سماء نیوز  |  May 10, 2022

قومی کرکٹ ٹیم کے سابق کپتان راشد لطیف کشمیر پریمیئر لیگ کے ڈائریکٹر آپریشنز مقرر کئے گئے ہیں۔

کشمیر پریمیئر لیگ کے صدر عارف ملک نے راشد لطیف کو لیگ کا ڈائریکٹر آپریشنز مقرر کرنے کا باضابطہ اعلان کردیا ہے۔اس حوالے سے راشد لطیف کا کہنا تھا کہ پچھلے سال بھی کامیاب کشمیر پریمیئر لیگ ہوئی،آزاد کشمیر میں کرکٹ کو مزید بہتر بنانے کے لئے ہر وقت تیار ہیں۔

سابق کپتان کا کہنا تھا کہ پاکستان اور کشمیر میں بہت سے باصلاحیت نوجوان کھلاڑی ہیں،نوجوان ٹیلنٹ کو کے پی ایل میں شامل کیا جائے گا۔سینتیس ٹیسٹ اور 166 ون ڈٖے انٹرنیشنل کھیلنے والے وکٹ کیپر بیٹر راشد لطیف کو کئی کھلاڑی متعارف کرانے کا اعزاز حاصل ہے، جن میں ٹیسٹ فارمیٹ میں پاکستان کی جانب سے 10 ہزار رنز بنانے والے واحد بیٹر یونس خان بھی شامل ہیں۔راشد لطیف افغانستان کی قومی کرکٹ ٹیم کی بھی کوچنگ کرچکے ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More