بھارت میں ہیلی کاپٹر گر کر تباہ، 2 پائلٹس ہلاک

سماء نیوز  |  May 13, 2022

بھارت کی ریاست چھتیس گڑھ میں فوجی ہیلی کاپٹر گر کر تباہ ہوگیا۔ حادثے میں 2 پائلٹس ہلاک ہوگئے۔

بھارتی ذرائع ابلاغ سے جاری خبروں کے مطابق ہیلی کاپٹر حادثہ سوامی ویویک نندا ایئرپورٹ چھتیس گڑھ رائے پور میں پیش آیا۔

ہلاک ہونے والے پائلٹوں کی شناخت کیپٹن پندا اور کیپٹن سری واستو کے ناموں سے کی گئی ہے۔ حادثہ معمول کی تربیتی پرواز کے دوران پیش آیا جس کے نتیجے میں ہیلی کاپٹر مکل طور پر تباہ ہوگیا۔

ذرائع سے دعویٰ کیا گیا ہے کہ ایک پائلٹ موقع پر ہی ہلاک ہو گیا تھا جب کہ دوسرے نے اسپتال پہنچ کر دوران علاج دم توڑا۔

رپورٹس کے مطابق حادثہ رات 9 بج کر 10 منٹ پر پیش آیا، ابتدائی تحقیقات کے مطابق حادثہ ہیلی کاپٹر میں دوران پرواز تکنیکی خرابی کے باعث پیش آیا۔

حادثے میں تباہ ہونے والا ہیلی کاپٹر آگسٹا تھا، جو رن وے سے محض چند کلو میٹر کے فاصلے پر گر کر تباہ ہوا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More