ملک کے بالائی علاقوں میں بارشوں کی پیشگوئی

سماء نیوز  |  May 19, 2022

محکمہ موسمیات نے 19 مئی سے 24 مئی تک ملک کے بالائی علاقوں میں بارشوں کی پیشگوئی کردی۔

محکمہ موسمیات کے مطابق19 مئی کی رات سے مغربی ہواؤں کا ایک سلسلہ پاکستان کے بالائی علاقوں میں داخل ہوگا اور یہ سلسلہ 24 مئی تک موجود رہے گا۔

اس سلسلے کے تحت اسلام آباد،راولپنڈی، گلگت بلتستان سمیت خیبرپختنخوا اور بالائی پنجاب کے علاقوں میں بارش متوقع ہے۔

اس دوران شام یا رات میں تیز آندھی اور گرج چمک کے ساتھ بارش کا امکان ہے۔

محکمہ موسمیات نے بتایا کہ بارشوں کے اس اس سلسلے سے ملک کے دیگر حصوں میں بھی درجہ حرارت کے اندر کمی متوقع ہے تاہم فصلوں کو نقصان اور پانی کی کمی کا اندیشہ تاحال موجود ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More