یہ ایک قدرتی عمل ہے کہ ہم کوئی بھی غذا کھائیں تو وہ ہمارے پیٹ میں جاتی ہے مگر کبھی آپ نے سنا یا دیکھا ہے کہ ایک شخص کے پیٹ میں کیل، پتھر، مقناطیس موجود ہیں۔
تو بالکل ایسا ایک شخص کے ساتھ ہوا ہے جس کا تعلق ترکیہ(ترکی) کے علاقے اپیکیو لو سے ہے جہاں بڑا بھائی اپنے چھوٹے بھائی کو پیٹ میں شدید درد ہونے کی وجہ سے اسپتال لے آیا۔
جہاں اس کا ایکسرے اور الٹراساؤنڈ کیا گیا تو ڈاکٹر رپورٹس دیکھ کر حیران رہ گئے۔ اور حیران ہوتے بھی کیوں نہ کیونکہ اس شخص کے پیٹ میں سکے، بیٹریاں، مقناطیس اور کیل سمیت 233 اشیاء انہیں دیکھائی دیں۔
یہ حیران کن واقعہ جس شخص کے ساتھ پیش آیا اس کا نام برہان دومر ہے اور اس کی عمر 35 سال بتائی جا رہی ہے۔
مزید یہ کہ ڈاکٹرز نے کئی گھنٹوں کے آپریشن کے بعد اس شخص کے پیٹ سے یہ 233 اشیاء نکال دیں۔ اس کے علاوہ اب تک یہ تو معلوم نہیں ہو سکا کہ یہ آپریشن کب کیا گیا مگر یہ واقعہ مقامی میڈیا پر 15 جون کو رپورٹ ہوا۔