ترکی ڈاکٹر اس وقت حیران رہ گئے جب ایک مریض ان کے پاس پیٹ درد کی شکایت لے آیا لیکن جب ایکسرے کیا تو اس کے پیٹ میں کئی سو سکے، کیلیں،اسکریو اور بیٹریاں بھی موجود تھیں۔

ءہ واقعہ پیش آیا ہے ترکی میں جہاں ایک 35 سالہ آدمی کے پیٹ سے تقریباً 233 سکے، کئی کیلیں اور بیٹریاں وغیرہ نکالی گئیں۔ حیرت انگیز طور پر وہ شخص اپنے پیٹ میں موجود ان چیزوں سے لاعلم تھا۔

مریض کی آنتوں میں بھی پتھر تھے

آپریشن کرنے والے ڈاکٹر بینیسی کا کہنا ہے کہ پیٹ میں موجود کیلیں مریض کے معدے میں جا پھنسی تھیں اسی وجہ سے اسے درد ہوتا تھا جب کہ مریض کی بڑی آنت میں بھی مختلف چھوٹے بڑے پتھر موجود تھے۔

والدین کے لئے نصیحت

ڈاکٹر کا کہنا ہے کہ مریض نے بتایا اسے پیٹ میں ان چیزوں کے جانے کا کوئی علم نہیں۔ بہت ممکن ہے کہ بچپن میں اسے زمین میں پڑی چیزیں کھانے کی عادت رہی ہو جسے وہ بڑا ہو کر بھول گیا ہے۔