مرد کی کامیابی کے پیچھے ایک عورت کا ہاتھ ہوتا ہے مگر موجودہ دور میں میری کامیابی کے پیچھے ایک مرد کا ہاتھ ہے۔
یہ الفاظ ہیں ملک کے مشہور رپورٹر امین حفیظ کے۔ یہ پوری دنیا میں اپنے منفرد انداز کی وجہ سے پہچانے جاتے ہیں۔ یہ جس موضوع پر بھی رپورٹنگ کر رہے ہوتے ہیں اسے انوکھا بنا دیتے ہیں۔
اس معاشرے میں عزت اور شہرت کمانے میں لوگوں کو عرصہ لگ جاتا ہے مگر امین امین حفیط صاحب کہتے ہیں کہ کام ایمانداری سے کرو تو اللہ پاک ہاتھ پکڑ لیتا ہے۔ یہی وجہ ہے کہ اب میں نے ٹی وی کی دنیا چھوڑ دی ہے اور یوٹیوب کی طرف آ گیا ہوں۔
اس کی بنیادی وجہ یہ ہے کہ ملک کے جس بڑے چینل میں میں کام کرتا تھا وہ مجھے جتنی تنخواہ دیتے تھے اس میں اب میرا گزارہ نہیں ہوتا تھا تو پھر ایک دن مجھے بیٹے حسیب امین نے سمجھایا کہ آپ بہت مشہور ہیں اب ڈیجیٹل میڈیا کا دور ہے آپ اس پر آئیں تو اللہ پاک آپ کو اور مشہور کر دے گا۔
بس یہی وجہ ہے کہ اب اپنے کام کو یوٹیوب پر انجوائے کر رہا ہوں یہی نہیں اب لوگ مجھ سے اور بھی زیادہ محبت کرتے ہیں۔ ان تمام باتوں کے علاوہ ان کا کہنا تھا کہ ایک وقت ایسا بھی تھا کہ میرے تلفظ کی وجہ سے مجھے چینل کی دنیا سے نکالنے کا سوچا جانے لگا تھا۔
کیونکہ جب بھی کوئی میں جملہ بولتا اور اس میں ڑ آتی تو میرے منہ سے ڑ کی بجائے ر کی آواز نکلتی تھی۔ لیکن پھر چینل مالکان نے یہ فیصلہ کیا کہ نہیں جو رپورٹر جس شہر سے تعلق رکھتا ہوگا، اسکا وہی لہجہ ہمیں اس کی رپورٹنگ میں نظر آنا چاہیے یوں میری نوکری بچ گئی۔
اس کے علاوہ اب یہ انتہائی بہترین انداز میں لطف اندوز ہو کر بیٹے کے ساتھ مل کر یوٹیوب چینل چلاتے ہیں۔ واضح رہے کہ ویڈیو کی ایڈیٹنگ اور کیمرہ مین کی زمے داری ان کے بیٹے کے ہی سپرد ہے۔