عدنان سمیع خان نے کچھ سال پہلے اپنا وزن کم کرکے کافی لوگوں کو حیرت میں ڈال دیا تھا البتہ حال ہی میں ان کی کچھ ایسی تصاویر بھی سامنے آئی ہیں جس کے بعد انہیں پہچاننا ممکن ہی نہیں ہے۔ یقین نہیں آتا تو آپ بھی دیکھیں۔
یہ تصاویر عدنان سمیع خان نے اپنے انسٹاگرام اکاؤنٹ پر مالدیپ میں اپنی بیگم اور بیٹی کے ساتھ چھٹیاں مناتے ہوئے بنائیں۔ تصویر میں دیکھا جاسکتا ہے کہ ماضی میں انتہائی فربہ جسم کے مالک عدنان سمیع اب کسی وجیہہ ماڈل سے کم نہیں دکھ رہے۔ البتہ وزن کم کرنے کا ان کا سفر کافی سالوں اور محنت پر محیط ہے۔
والد نے مجھے کہا کہ اپنی آنکھوں کے سامنے بیٹے کو مرتا نہیں دیکھ سکتا
انڈیا ٹائمز کے مطابق عدنان سمیع نے بتایا کہ "مجھے 2005 میں کہا گیا تھا کہ میں اتنے زیادہ وزن کے ساتھ صرف 6 مہینے زندہ رہوں گا۔ جب کہ میرے والد جو کینسر کے مریض ہیں انھوں نے کہا کہ میں اپنے بیٹے کو اپنے سامنے مرتا ہوا نہیں دیکھ سکتا۔ کسی نے مجھے لائپوسکشن سرجری کا مشورہ دیا مگر ڈاکٹرز کا کہنا تھا کہ یہ تھوڑے فربہی مائل لوگوں کی کی جاتی ہے لیکن 220 کلو وزن کے ساتھ یہ ممکن نہیں"
وزن کم کرنے کے لئے کیا کیا؟
" اس وقت میں نے وزن کم کرنے کا فیصلہ کیا اور کاربوہائیڈریٹس، چکنائی اور نمک والی تمام غذائیں چھوڑ کر ڈاکٹر کے بتائے گئے چارٹ کے مطابق خوراک لینی شروع کی اور 220 کلو وزن کے ساتھ ورزش کرنے لگا۔ تھوڑے عرصے بعد میں نے 40 کلو وزن کم کر لیا اور پھر یر مہینے وزن کم کرتا گیا اور کچھ ہی عرصے میں 155 کلو وزن کم کرلیا"
مداح حیران
واضح رہے یہ انٹرویو عدنان سمیع نے کچھ عرصہ پہلے دیا تھا لیکن اب حال ہی میں وائرل ہونے والی تصاویر نے عدنان سمیع کے مداحوں کو حیرت میں ڈال دیا ہے۔