عید قرباں پر جہاں مزے مزے کے کھانوں سے لطف اٹھایا جاتا ہے وہیں گوشت کو فریز کرنا اور چھوٹے اور بڑے گوشت کو الگ کرنا ایک دلچسپ مرحلہ ہوتا ہے لیکن سوشل میڈیا پر وائرل پوسٹ میں بکرے اور گائے کے گوشت کیلئے الگ الگ شاپر نے گوشت محفوظ بنانے کے حوالے سے ایک ٹینشن ختم کردی ہے۔
پاکستان سمیت دنیا بھر کے مسلمان آئندہ ماہ عید الاضحی
منائیں گے، اس موقع پر اللہ کی راہ میں جانوروں کی قربانی کی جائیگی اور گوشت غرباء میں تقسیم کیا جائے گا۔
عید قرباں پر مزے مزے کے کھانوں کے ساتھ چھوٹے چھوٹے اور دلچسپ مسائل بھی توجہ کا مرکز ہوتے ہیں ، ایسا ہی ایک مسئلہ یہ ہوتا ہے کہ بکرے اور گائے کے گوشت کو مکس ہونے سے کیسے بچا جائے کیونکہ اکثر فریج میں رکھے گوشت کی پہچان کرنا مشکل ہوتا ہے کہ یہ مٹن ہے یا بیف۔
سوشل میڈیا صارفین نے کچھ تصاویر شیئر کی ہیں جن میں بکرے اور گائے کا گوشت پیک کرنے کیلئے الگ الگ شاپر تیار کئے گئے ہیں جن پر گائے اور بکرے کی تصویر بنائی گئی ہے تاکہ لوگوں کو گوشت کی پہچان میں دقت پیش نہ آئے۔
اس پوسٹ کا مقصد صرف تفریح ہے کیونکہ بکرا عید ہو اور کھانوں کی طرح مزے مزے کے میمز نہ بنیں یہ کیسے ممکن ہوسکتا ہے۔