جب ایک انسان کے ہاں اولاد ہوتی ہے تو اس کی خوشی کی انتہا نہیں رہتی وہ مٹھائیاں بانٹتا اور تمام خاندوان والی کی دعوت کرتا تو بالکل ایسا ہی ایک کسان کے ساتھ ہوا۔
لیکن یہاں غور کرنے والی بات یہ ہے کہ اس کسان کی گائے کے ہاں ایک ساتھ 3 بچے پیدا ہوئے، تو ا س نے خوشی پورے گاؤں میں منائی مگر کیسے آئیے جانتے ہیں۔
اس شخص کا نام عبد التواب ہے جو کہ پیشے کے لحاظ سے ایک کسان ہے۔ اب یہ عبد التواب کہتا ہے کہ میری تو قسمت ہی جاگ گئی کیونکہ ابھی پانچ دن میں پہلے یہ گائے اپنے گھر خرید کر لایا تھا تو اس نے 3 بچوں کو جنم دیا۔
ان بچوں میں سے 2 بچھیا اور 1 بچھڑا ہے۔ جب اللہ پاک نے انہیں یہ خوشی دی تو انہوں نے پورے گاؤں میں مٹھائیاں تقسیم کیں۔
مٹھائی تقسیم کرنے کی وجہ جب ان سے پوچھی گئی تو کہتے ہیں کہ گائے اور بکریاں عموماََ 2 بچوں کو تو جنم دیتی ہیں لیکن لیہ میں یہ پہلا ایسا واقعہ ہے جب گائے نے 3 خوبصورت بچوں کو جنم دیا ہو اور تو اور مجھے علم بھی نہیں تھا کہ اللہ پاک مجھے اتنا دے گا، بس انہی باتوں کی وجہ سے مٹھائیں تقسیم کیں۔
دوران انٹرویو لیہ کے اس کسان کا کہنا تھا کہ ابھی تک تو میرا کوئی ارادہ نہیں اس گائے کو بیچنا لیکن اب تک اس کے 4 لاکھ ریٹ لگ چکے ہیں اور اگر کسی نے زیادہ اسرار کیا تو 10 لاکھ میں اسے فروخت کروں گا۔
مزید یہ کہ اتنی قیمت مانگنے کی وجہ یہ ہے کہ کئی دنوں کی محنت کے بعد میں نے اسے ڈھائی لاکھ میں خریدا تھا۔
واضح رہے آپکو آخر میں یہ بھی بتاتے چلیں کہ یہ گائے ہے تو عام نسل کی مگر ایک دن میں یہ 20 لیٹر دودھ دیتی ہے جو اسے دوسری گائے سے منفرد بناتی ہے۔