غربت اپنی جگہ لیکن کبھی مولوی کا رزق بند نہیں ہوتا۔۔۔ ایک عالم دین کی ایمان افروز تقریر

ایک عالم دین کا کہنا ہے کہ دین کی خدمت کرنے والے علماء کو غربت کے باوجود اللہ تعالیٰ اپنی تمام نعمتوں سے فیضیاب کرتا ہے، غربت اپنی جگہ لیکن ہمارا رزق کبھی بند نہیں ہوتا۔

سوشل میڈیا پر وائرل ویڈیو میں مقرر کا کہنا تھا کہ لوگوں سے مولوی بننے کو کہا جائے تو کہتے ہیں کہ مولوی کھائے گا کہاں سے اور جب ان کے سامنے کھانا کھائیں تو کہتے ہیں مولوی بہت کھاتے ہیں۔

ان کا کہنا تھا کہ دین کی خدمت پر مامور لوگوں پر نبی کریم ﷺ کے صدقے اللہ تعالیٰ اپنی بے بہا نعمتیں نازل فرماتا ہے۔ وہ لوگ جو خود اچھی چیزیں کھانے سے محروم رہتے ہیں وہ علما کیلئے بہترین کھانوں کا اہتمام کرتے ہیں۔

انہوں نے کہا کہ وہ لوگ جو مولوی کے رزق پر سوال اور تنقید کرتے ہیں ان کو بتانا چاہتوں ہوں کہ ہماری ڈیوٹی دین کا پرچار کرنا ہے اور جس کے دین کی ہم خدمت کرتے ہیں وہ خود ہمارے لئے مہیا کردیتا ہے۔

ہم پر سوال اور تنقید کرنے والے خود مختلف امراض کی وجہ سے زندگی کی نعمتوں سے محروم لیکن ہم اگر کہیں جائیں تو لوگ ہمارے لئے خصوصی کھانے تیار کرتے ہیں اور اللہ کے کرم سے ہمارا رزق کبھی بند نہیں ہوتا۔