بھائی اور بھابھی سے ملنے لاہور آئے، شادی میں بھی گئے ۔۔ بھارتی اداکار شتروگن سنہا کا پاکستان میں کون سا بھائی ہے؟

ہماری ویب  |  Jul 06, 2022

ویسے تو مشہور شخصیات سے متعلق ایسے کئی واقعات ہیں جو کہ سب کی توجہ حاصل کر لیتے ہیں، لیکن کچھ ایسے ہوتے ہیں جو کہ سب کی دلچسپی کا باعث بھی بن جاتے ہیں۔

ہماری ویب ڈاٹ کام کی اس خبر میں آپ کو مشہور اداکار شتروگن سنہا سے متعلق ایک دلچسپ خبر کے بارے میں بتائیں گے۔

سوشل میڈیا پر بھارتی اداکار شتروگن سنہا اور پاکستانی اداکارہ ریما کی تصاویر وائرل رہ چکی ہیں، جن میں اداکارہ اور بھارتی اداکار شادی کی تقریب میں موجود ہیں۔

شتروگن سنہا اس سے پہلے بھی کئی بار پاکستان آ چکے ہیں، لیکن اس وقت وہ جنرل ضیاء کی بیٹی زین ضیاء کی دعوت پر خاص طور پر شرکت کرنے آئے تھے۔ 2020 میں بھی ایک خاص دعوت پر شتروگن سنہا پاکستان آئے، اداکار کا کہنا تھا کہ میں اپنے بھائی اور بھابھی کی دعوت پر پاکستان آیا ہوں۔

ان تصاویر میں شتروگن سنہا قوالی نائٹ میں موجود ہیں جو کہ لاہور میں منعقد تھیں، جبکہ شتروگن سنہا 2 سے 3 دن کے لیے پاکستان آئے تھے۔

اداکار نے ٹوئیٹ کے ذریعے اپنے خیالات کا اظہار کیا اور کہا کہ اپنے بھائی اور کاروباری شخصیت میاں اسد احسن اور ہماری بھابھی کی دعوت پر شادی میں شرکت کے لئے آئے اور اپنی فیملی کی نمائندگی کی۔ ساتھ ہی شتروگن سنہا کا کہنا تھا کہ میان اسد احسن فیملی فرینڈ ہیں اور میری اہلیہ پونم سنہا کے راکھی بھائی ہیں۔

شتروگن سنہا جب کبھی پاکستان آتے ہیں تو ہمیشہ ہی اپنے انداز میں اس ٹرپ کو انجوائے کرتے ہیں، اس سے پہلے جب وہ جنرل ضیاء کے گھر اپنی فیملی کے ساتھ آئے تو اس وقت بھی انہوں نے خوب انجوائے کیا تھا۔

اس بار بھی ان کا کہنا تھا کہ اس نجی دورہ ہے، جو سیاسی طور پر بالکل بھی نہیں ہے اور نہ ہی آفیشل ہے۔ شتروگن سنہا نے پاکستان دورے کے موقع پر تقریب میں ہی موجود صدر عارف علوی سے بھی ملاقات کی تھی۔ اس موقع پر شتروگن سنہا کا کہنا تھا کہ میں نے کچھ سال پہلے صدر پاکستان کے بیٹے کی شادی میں بھی شرکت کی تھی، یہ انتہائی نفیس شخص ہیں۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More