کامن ویلتھ گیمز: پاکستانی ریسلر شریف طاہر، علی اسدسیمی فائنل میں پہنچ گئے

ہم نیوز  |  Aug 06, 2022

 کامن ویلتھ گیمز میں پاکستانی ریسلر شریف طاہر اور علی اسد سیمی فائنل میں جگہ بنالی۔

کامن ویلتھ گیمز میں پاکستانی ریسلر شریف طاہر نے 74 کلو کیٹگری میں کامیابی حاصل کر لی۔ محمد شریف طاہر نے کینیڈا کے ریسلر کو 1-5 سے شکست دی۔

اس سے قبل قومی ریسلر شریف طاہر نے ٹونگا کے ریسلر کو زیر کر کے کواٹر فائنل میں کامیابی حاصل کی تھی۔۔ انہوں نے ٹونگا کے ریسلر کو 0-11 سے شکست دی۔

کامن ویلتھ گیمز میں ریسلنگ کے مقابلوں میں ٹونگا کے ریسلر کو شکست دینے کے بعد شریف طاہر کواٹر فائنل میں پہنچے تھے۔

علی اسد نے فری اسٹائل ریسلنگ میں 57 کلو گرام کوارٹر فائنل مقابلے میں نمیبیا کے ریسلر کو شکست دے کر سیمی فائنل کے لیے کوالیفائی کیا۔ انہوں نے نمیبیا کے ریسلر کو 0-10 سے شکست دی۔

دوسری جانب طیب رضا نے بہماس کے ریسلر کو صفر کے مقابلے میں 10 پوائنٹس سے شکست دے کر کوارٹر فائنل میں جگہ بنائی۔ طیب رضا نے 2018 کامن ویلتھ گیمز میں کانسی کا تمغہ جیتا تھا۔

کامن ویلتھ گیمز کے ایک اور مقابلے میں پاکستانی ریسلر اسد علی نے کامیابی حاصل کر لی۔ اسد علی نے انگلینڈ کے ریسلر کو صفر کے مقابلے میں 10 پوائنٹس سے شکست دی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More